गोवन पापलेट करी

गोवन पापलेट करी - Goan Pomfret Curry

खास गोव्याच्या चवीची, खूप प्रसिद्ध अशा गोवन पापलेट करीची सोपी आणि सविस्तर पाककृती आपण करणार आहोत. ही पाककृती चवीला अप्रतिम असते आणि करायलाही सोपी. चला तर मग करूया सुरुवात. यासाठी लागणार साहित्य पाहून घेऊ.

=========== साहित्य =============

पापलेट - पाऊण किलो
हळद - पाव चमचा
ओलं खोबरं - १ कप
मिरची पूड (बेडगी) - ५ चमचे
जिरं - १ चमचा
धणे - ४ चमचे
लसूण - ४ ते ५ पाकळ्या
किसलेलं आलं - २ चमचे
चिंचेचा कोळ - २ चमचे (चिंच - मध्यम बोराएवढी)
कांदा - मध्यम आकाराचा बारीक चिरून
टोमॅटो - मध्यम आकाराचा बारीक चिरून
हिरवी मिरची - २ (मध्ये चिरून)
खोबरेल तेल - ४ चमचे
मीठ
कोथिंबीर - बारीक चिरून

=========== कृती ============

--- प्रथम पापलेट स्वच्छ धुवून मग हळद आणि थोडं मीठ लावून ठेऊया.
म्हणजे माश्याला मीठ छान मूरते.

--- आता कांदा व टोमॅटो बारीक चिरून ठेवा.
--- गोवन करी मसाला करण्यासाठी ओलं खोबरं, जिरं, धणे, लसूण, आलं, बेडगी मिरची पूड, चिंच आणि पाणी घेऊन अगदी बारीक वाटून घ्या.

--- गॅसवर पातेलं गरम करून त्यात खोबरेल तेल घाला. (खोबरेल तेलाने गोवन पापलेट करीला त्याची विशिष्ठ चव प्राप्त होते.)
--- तेल तापलं की त्यात चिरलेला कांदा चांगला गुलाबी रंगावर परतून घ्या.