कोकण कन्या

कोकणी कुर्ली / खेकडा रस्सा - Kurli Rassa

अस्सल पारंपारिक कोकणी पद्धतीच्या कुर्ली (खेकडा) रस्स्याची पाककृती मी या व्हिडिओ मध्ये सोप्या व सविस्तर पद्धतीने देत आहे. चला तर मग करूया सुरुवात.

=========== साहित्य =============

=========== कृती ============

--- प्रथम कुर्ल्या / खेकडे यांचे डेंगे (मोठे पाय) आणि छोटे पाय काढून घ्या.

--- कुर्ल्या / खेकडे स्वछ धुवून घेऊन त्याचे कवच काढा.

--- कुर्ली स्वछ करून घ्या.

--- कवचातील लाख बाजूला काढून घ्या (काळा भाग वगळून)

--- कुर्ल्यांचे छोटे पाय स्वछ धुऊन त्यात थोडं पाणी घालून मिक्सरमधून बारीक करून घ्या.

--- बारीक वाटलेल्या पेस्ट मध्ये कप भर पाणी घालून ते चांगलं गाळून त्याचा रस काढून घ्या.

--- गॅसवर पातेलं ठेऊन त्यात तेल गरम करून घ्या.

--- यात ठेचलेला लसूण घालून परतून घ्या.

--- आता कुर्ल्या आणि डेंगे घालून त्यात हळद व तिखट घालून चांगलं परता.

--- आता यात कुर्ल्या बुडतील इतकं पाणी, मीठ व आपण जी लाख काढून ठेवलीय ती घालून मिक्स करून घ्या.

--- झाकण ठेऊन मिडीयम गॅस वर २० ते २५ मिनिटं कुर्ल्या / खेकडे चांगले शिजू द्या.

--- कांदा खोबरं गरम मसाला वाटण अर्धा कप घेऊन त्यात थोडं पाणी घालून पेस्ट करून घ्या.

--- या साठी लागणाऱ्या कांदा खोबरं गरम मसाला वाटण ची पाककृतीच्या व्हिडिओची लिंक https://kokankanya.blogspot.com/2018/10/watan-gravy-masala.html

--- २० ते २५ मिनिटांनी वाटणाची पेस्ट व ३ ते ४ कोकम / आमसुलं घालून अजून ५ मिनिटं शिजू द्या.

--- तुम्हाला जितका रस्सा हवा आहे त्या अंदाजाने पाणी घाला. आपण बारीक पायांचा रस घालणार आहोत हे ध्यानात ठेऊन.

--- आता कुर्ल्या / खेकडे छान शिजलेत गॅस मंद करून एका बाजूने कुर्ल्या हलवत राहा व दुसऱ्या हाताने हळूहळू बारीक पायांचा रस ओतत राहा.

--- मंद गॅस वर सतत पूर्ण १ मिनिट रस्सा हलवत रहा. अन्यथा रस्सा फुटतो. आता गॅस बंद करून वरून चिरलेली कोथिंबीर घाला.

आपला अस्सल कोकणी पद्धतीचा कुर्ली / खेकडा रस्सा तयार आहे.