मोहक सुगंधी उकडीचे मोदक व करंजी - Ukdiche Modak and Karanji

गणपतीला आवडणारे मोदक अगदी सोप्प्या व सविस्तर पद्धतीने मी घेऊन आलेय तुमच्यासाठी.
=========== साहित्य =============
1) 2 वाट्या किसलेल ओलं खोबरं (मध्यम आकाराचा नारळ )
2) 1 वाटी गूळ
3) 2 चमचे तेल
4) 2 चमचे तूप
5) 2 चमचे खसखस
6) 1 वाटी तांदळाचं पीठ
7) वेलची पावडर
8) मीठ
9) हळदीची पान ( पर्यायी )

=========== कृती ============
=== चूण
--- एका भांड्यात खोबरं गूळ आणि थोडं मीठ टाकून चांगलं एकजीव करून घ्या.

--- गॅसवर पॅन ठेवून त्यात तूप घालून गरम करा यात खसखस घालून १ मिनिट परता. --- गॅस मध्यम आचेवर करून त्यात गूळ खोबऱ्याचं मिश्रण घालून १मिनिट परता. यात वेलची पावडर मिक्स करा. आपल्याला मिश्रण ओलसर ठेवायचं आहे याची काळजी घ्या. --- झाकण घालून १ मिनिट वाफ येऊ द्या. --- एका मिनिटानंतर गॅस बंद करून चूण गार करत ठेवा.

=== उकड
--- एका जाड बुडाच्या पातेलीत ३ वाट्या पाणी उकळत ठेवा. --- उकळी आली की पाण्यात २चमचे तेल आणि अर्धा चमचा मीठ घाला.

--- आता न्यूज पेपर मध्ये तांदळाचं पीठ चाळून घेऊन ते उकळत्या पाण्यात सोडा.

--- लगेच झाकण ठेऊन मोठ्या आचेवर १ मिनिट वाफ येऊ द्या. --- एका मिनिटांनी गॅस बंद करून जास्तीच पाणी काढून घ्या. --- आता मंद आचेवर पीठ चांगलं मिक्स करून घ्या .

--- झाकण ठेऊन २ मिनिटं वाफ येऊ द्या. --- आता मिश्रण परातीत घेऊन गरम असतानाच (पेल्याच्या सहाय्याने) चांगलं मळून घ्या . (आवश्यक वाटलं तर आपण जे पाणी काढून ठेवलंय ते मळायला वापरा ) --- ४ ते ५ मिनिटं पीठ चांगलं मळून घ्या .
=== मोदक
--- मोदक आणि करंजीला आकार देण्यासाठी वरील व्हिडीओ पहा (time 5:27)

--- मोदक व करंजी करून झाले की एका पातेलीत पाणी उकळत ठेवा. 

--- आता चाळणीत हळदीची पान घालून त्यावर मोदक व करंजी ठेऊन त्यावर परत हळदीची पान घाला. (हळदीचे पान नसेल तर केळीचे पान घ्या ,नाहीतर मग चाळणीला तेल लावून त्यात मोदक व करंजी ठेवा.)

--- ही चाळणी पाणी उकळत असलेल्या भांड्यावर ठेऊन झाकण ठेवा.

--- मोदकांना १५ मिनिटं मोठ्या आचेवर वाफ येऊ द्या.

--- आपले मोदक व करंजी आता तयार आहेत .

मोदकावर तुपाची धार घालून त्याचा आस्वाद घ्या.